【我愛的在地美食】: 八方雲集鍋貼水餃專門店 (香港藍田)
自己其實好鍾意食餃子, 而且要求都唔低, 鍾意食啲皮薄得黎有咬口好似食緊粉麵咁, 餡肉要夠大, 味道唔好太鹹/油, 細個嗰陣超鍾意八方雲集水餃, 可以食十幾隻, 見好耐無食, 屋企人又買咗包急凍未煮嘅八方雲集招牌水餃 (20隻) 就食嚇, 同時煮咗灣仔碼頭嘅薺菜豬肉餃比較嚇, 味道上面有明顯分別, 八方雲集嘅味道較淡, 因為入面無乜醬汁亦唔油, 相反灣仔碼頭嘅味道好濃郁, 入面原先已經有醬油, 另外八方雲集嘅餡較大, 豬肉相對比菜多, 灣仔碼頭就相反, 而皮就八方厚啲, 好咬口啲, 餃子本身size都大啲, 相比之下我比較鍾意八方雲集, 新鮮啲, 少啲味噌, 健康啲, 皮比較有咬口啲, 餡大啲, 點都覺得好食過灣仔碼頭。
|